Մարդու իրավունքների եվրոպական դատարանը վարույթ է ընդունել Կոմունիստական կուսակցության, «Յաբլոկոյի» եւ յոթ անհատների դիմումը, որով բողոքարկվում են 2003թ. խորհրդարանական ընտրությունները: Այս մասին հաղորդում է ռուսական Коммерсант-ը:
Համապատասխան ծանուցումը ստացել է դիմումատուների ներկայացուցիչ, «Միացյալ քաղաքացիական ճակատի» առաջնորդ Գարի Կասպարովը: Ծանուցագրի մեջ նշվում է, որ Ռուսաստանի կառավարությունը մինչեւ 2011թ. հունվարի 26-ը ժամանակ ունի դատարանի հարցերին պատասխանելու համար:
Կասպարովը հայտարարել է, որ սկզբից չի հասկացել, թե խոսքն ինչի մասին է: Նրա խոսքերով, արդեն անցել էր 5 տարի, եւ ինքը կարծել է, որ այլեւս այդ հարցը չի քննարկվի:
Հայցին 2005թ. միացել են նաեւ Վլադիմիր Ռիժկովը, Իրինա Խակամադան, Սերգեյ Իվանենկոն, Վադիմ Սոլովյովը, Եվգենի Կիսելյովը, Գեորգի Սատարովը եւ Դմիտրի Մուրատովը:
