Twitter միկրոբլոգերի ծառայությունը հրապարակել է Twitter Stories-ի նոր շարք, որում ամփոփված են 2011 թ. Twitter-ի օգնությամբ տեղի ունեցած ամենանշանակալից իրադարձությունները: Այս մասին հաղորդվում է միկրոբլոգային ծառայության պաշտոնական կայքում:
Ըստ այդ տեղեկության՝ 2011 թ. Twitter-օգտատերերը հրապարակել են ավելի քան 60 մլրդ հաղորդագրություն, ուստի 10 «ամենակարևորների» ընտրությունը գործնականում անհնար է: Դրա փոխարեն ծառայությունը հավաքել է այն հաղորդագրությունները, որոնք խթանել են կարևոր իրադարձություններ:
Այսպես, Եգիպտոսում ժողովրդավարության համար պայքարող ինտերնտետ-ակտիվիստ Վաիլ Ղոնեմը հրապարակել է թվիթ (կարճ հաղորդագրություն Twitter-ում), որը խթանել է Եգիպտոսում ժողովրդական ցույցերը և հանգեցրել հեղափոխության:
Հաջորդ հաղորդագրությունը վերագրվում է անտուն Դանիել Մորալեսին, որը Twitter-ի հաղորդագրության միջոցով կարողացել է 11 տարվա ընդմիջումից հետո գտնել դստերը, ապա և՝ տեսնել թոռներին:
Բացի այդ Twitter-ի ներկայացուցիչներն առանձնացրել են այն հաղորդագրությունները, որոնցով ամբողջ աշխարհն աջակցում էր Ճապոնիային՝ մարտի 11-ին տեղի ունեցած երկրաշարժից և ցունամիից հետո, Շոաիբ Աթարի ռեպորտաժը Ուսամա բեն Լադենին չեզոքացնելու մասին, Մեծ Բրիտանիայում օգոստոսին տեղի ունեցած անկարգությունների կազմակերպման, Թուրքիայի երկրաշարժից տուժածներին փրկելու գործողություններին վերաբերող հաղորդագրությունները:
Բացի այդ Twitter-ի ներկայացուցիչներն առանձնացրել են ֆուտբոլի երկրպագուհի խուլ Յուլյա Պրոբստին, որը շրթունքներով կարդում է, թե ինչ են ասում մարզիչները և ֆուտբոլիստները խաղի ժամանակ, և դա հրապարակում իր միկրոբլոգում:
Ուշագրավ են նաև ևս 2 պատմություններ. Սթեֆանի Գորդոնն ինքնաթիռից տեսել է Endeavour տիեզերանավի արձակումը և այդ լուսանկարները հրապարակել իր միկրոբլոգում: Իսկ Mortons ռեստորանի մատուցողը օդանավակայանում ձեռնարկատեր Փիթեր Շենքմանին բիֆշթեքսով դիմավորել՝ Twitter-ում նրա համապատասխան խնդրանքից հետո:
Twitter-ի ներկայացուցիչները Twitter Stories-ը սկսել են հրապարակել նոյեմբերի սկզբին և պատրաստվում են դա անել ամեն ամիս: Ընդ որում՝ օգտատերերն իրենք էլ կարող են կիսվել պատմություններով՝ հաղորդագրության մեջ նշելով @twitterstories հաշիվը կամ #twitterstories հեշթեգը:
