Երեկ A, B, C, G, H, I խմբերի վերջին տուրի հանդիպումներով ավարտվեց Եվրոպայի լիգայի խմբային փուլը: A խումբ. «Յուվենտուս»-«Մանչեսթեր Սիթի»՝ 1-1: Իտալական ակումբը 6-րդ խաղն անընդմեջ ավարտեց ոչ ոքի արդյունքով և դուրս մնաց հետագա պայքարից: «Լեխ»-ը մրցակցի հարկի տակ 0:1 հաշվով պարտության մատնեց Խոակին Բոգոսյանի «Ռեդ Բուլ»-ին և «Սիթի»-ի հետ ելույթները կշարունակի փլեյ օֆ փուլում: B խումբ. «Արիս»-«Ռոսենբորգ»՝ 2-0, Բայեր-Ատլետիկո՝ 1-1: Լիգայի գործող չեմպիոն Մադրիդի «Ատլետիկո»-ն չկարողացավ հաղթահարել խմբային փուլի արգելքը:1/16 եզրափակիչում կխաղան գերմանական «Բայեր»-ն ու հունական «Արիս»-ը: C խումբ. «Լևսկի»-«Սպորտինգ»՝ 1-0, «Լիլլ»-Գենտ»՝ 3-0: Հաջորդ փուլի ուղեգրեր ձեռք բերեցին «Սպորտինգ»-ն ու «Լիլլ»-ը: G խումբ. «ԱԵԿ»-«Զենիթ»՝ 0-3, «Անդերլեխտ»-«Հայդուկ»՝ 2-0: Սանկտ Պետերբուրգի «Զենիթ»-ը լիգայի միակ թիմն է, որ 6 խաղում տոնեց 6 հաղթանակ և վաստակեց 18 միավոր: Ռուսական ակումբի հետ խմբից դուրս եկավ բելգիական «Անդերլեխտ»-ը: H խումբ. «Խետաֆե»-«Յանգ Բոյզ»՝ 1-0, «Շտուտգարտ»-«Օդենսե»՝ 5-1: Փլեյ օֆում հանդես կգան «Շտուտգարտ»-ն ու «Յանգ Բոյզ»-ը: I խումբ. «Դեբրեցեն»-«Սամպդորիա»՝ 2-0, «Էյնդհովեն»-«Մետալիստ»՝ 0-0: 1/16 եզրափակիչում իրենց ելույթները կշարունակեն «Էյնդհովեն»-ն ու «Մետալիստ»-ը: