Ինչպես «Առաջին լրատվականը» երեկ տեղեկացրել էր, ամերիկյան հեռուստատեսության ամենահայտնի դեմքերից մեկը` Լարրի Քինգը, դադարեցնում է CNN-ում իր ամենահայտնի հաղորդումներից մեկը՝ «Ուղիղ եթեր Լարրի Քինգի հետ»:
Շատերն էին փորձում կանխագուշակել, թե ով է լինելու «թագավորի» հյուրը: Անսպասելիորեն նրա վերջին հյուրը դարձավ Կալիֆոռնիայի նահանգապետ Առնոլդ Շվարցենեգերը:
Նրա շոուն տեղ է զբաղեցնում Գինեսի ռեկորդների գրքում՝ որպես եթերում գտնվող միակ հաղորդումը, որն անընդմեջ վարել է նույն մարդը: Քինգն անցկացրել է 50 հազար հարցազրույց աշխարհի ամենահայտնի մարդկանց հետ: