22-ամյա տղամարդը ձերբակալվել է նոյեմբերի 29-ին` այն բանից հետո, երբ ոստիկանությունը նրան հետապնդել է և նրա ավտոմեքենայում հայտնաբերել մարիխուանա:
Ինչպես հայտնում է Glendale News-Press-ը, Գարե Յերումյանը ձերբակալվել է ոստիկաններից փախչելու պատճառով: Ոստիկանը նկատել էր, որ Kia ավտոմեքենայի վարորդը բարձր արագությամբ է վարում դպրոցի տարածքում: Նա հրամայել է կանգնել, սական վարորդը չի արձագանքել և շարունակել է ճանապարհը:
Ի վերջո նա կանգնել է և ոստիկանին պատմել, թե ճանապարհ է ընկել Փասադենայից և չի լսել ոստիկանական ազդանշանը: Սակայն ոստիկանությունից հայտնել են, որ ավտոմեքենայի ապակին իջեցված էր:
Յերումյանը ոստիկանությանը հայտնել է, որ բժիշկները իրեն թույլ են տվել օգտագործել մարիխուանա, այդ պատճառով է այն գտնվում իր ավտոմեքենայում: Սակայն ոստիկանները չեն գտել այդ դեղատոմսը: