Իրանի իշխանություններն արգելել են արտասահմանյան ԶԼՄ-ներին լուսաբանել ցանկացած ցույց կամ միջոցառում, որը տեղի կունենա Թեհրանում Մեծ Բրիտանիայի դեսպանատան առջև: Այս մասին հաղորդում է Associated Press-ը:
Մինչ այդ Իրանի ղեկավարությունն արգելում էր արտասահմանցի լրագրողներին լուսաբանել ընդդիմության բողոքները, սակայն արգելքը չէր վերաբերում իշխանամետ քաղաքացիներին ու լրագրողներին։
Հիշեցնենք, որ երեքշաբթի օրը Թեհրանում ուսանողները հարձակվել էին բրիտանական դեսպանատան վրա, ինչը հանգեցրեց նրան, որ Իրանին քննադատեց միջազգային հանրությունը:
