Դեկտեմբերի 1-ին Հայաստանում ԱՄՆ դեսպան Ջոն Հեֆերնը և այլ պաշտոնյաներ ու հյուրեր մասնակցել են Երևանի Քանաքեռ-Զեյթուն և Աջափնյակ վարչական շրջանների թիվ 161 և 46 նախադպրոցական կրթական հաստատություններում Միջազգային օգնություն և զարգացում (IRD) կազմակերպության կողմից խոհանոցների և սանհանգուցների վերանորոգման ծրագրի ավարտը նշանավորող միջոցառմանը։
Այդ հաստատությունները կառուցվել են վաղ յոթանասնականներին և երբևէ չեն բարեկարգվել:
IRD-ն եռամսյա ժամկետում իրականացրել է այս երկու վերանորոգման ծրագրերը՝ ԱՄՆ աջակցությամբ և ՎՕՍԲ կամ LDS Charities բարեգործական կազմակերպության համաֆինանսավորմամբ:
Քանաքեռ-Զեյթունի թաղապետարանի մասնակցությունը հնարավորություն է տվել թիվ 161 մանկապարտեզի խոհանոցում տեղադրել մեծ վառարան:
Վերանորոգման ծրագրով բարելավվել է երեխաների սննդային և սանիտարական հիգիենայի պայմանները:
IRD-ն տրամադրել է նաև հագուստ, վերմակներ և դպրոցական պարագաներ:
1992-ից ի վեր ԱՄՆ պետդեպարտամենտը տարբեր ծրագրերի միջոցով տարածաշրջանին տրամադրել է մարդասիրական օգնություն` հայտնի «Աջակցությունը տալիս է հույս» (ԱՏՀ) ծրագրի շրջանակում:
Առ այսօր ԱՏՀ ծրագրի շրջանակում շուրջ 405 միլիոն ԱՄՆ դոլար արժողության աջակցություն է հասել Հայաստան` ի նպաստ ծերերի, հաշմանդամների, երեխաների, երկրաշարժից տուժածների և այլոց: