Թբիլիսիում այսօր Tbilisi Marriott հյուրանոցում կայացել է` «Հրապարակային տեղեկատվության տվյալների պահոց» նոր վեբ-կայքի շնորհանդեսը, որտեղ տեղեկատվություն է զետեղված Վրաստանի պետական պաշտոնյաների եկամուտների մասին տեղեկատվություն, հայտնում է Новости-Грузия-ն:
Ինչպես հաղորդել են «Ազատ տեղեկատվության զարգացման ինստիտուտ» ոչ կառավարական կազմակերպությունում, որը կայքի ստեղծողն է՝ «Բաց հասարակություն – Վրաստան» հիմնադրամի ֆինանսական օժանդակությամբ, www.opendata.ge վեբ-էջը ստեղծվել է «Հրապարակային տեղեկատվության տվյալների պահոց» նախագծի շրջանակներում:
Այստեղ տեղեկատվություն է տեղադրվում տարբեր նախարարությունների և պետական կառույցների աշխատավարձերի, հիմնադրամների և բյուջեների մասին, պետական պաշտոնյաների պարգևավճարների, պահուստային հիմնադրամների, տարբեր կարգի ծառայությունների, հաղորդակցուղիների, բենզինի համար կառավարության ներկայացուցիչների ծախսերի մասին, ինչպես նաև հասարակայնությանը հետաքրքրող ֆինանսական բնույթի այլ տվյալներ:
Նոր վեբ-կայքի տեղեկատվությունը հենվում է Վրաստանի պաշտոնական գերատեսչությունների կողմից պաշտոնապես տրամադրված տվյալների վրա:
