News Georgia-ի փոխանցմամբ՝ Հայաստանի ու Վրաստանի նախագահներ Սերժ Սարգսյանն ու Միխեիլ Սաակաշվիլին Radisson BLU Iveria հյուրանոցում բացել են հայ-վրացական գործարար ֆորումը։ Այդ ֆորումին մասնակցում են մինչև 100 վրացական ընկերություններ և ավելի քան 40 հայ գործարարներ։
Իր ելույթում Սարգսյանը նշել է. «Մենք ցանկանում ենք, որ վրացական կապիտալն առկա լինի Հայաստանում, իսկ հայկական կապիտալն առկա լինի Վրաստանում։ Դա մեր հարաբերությունները դարձնում է հավերժ։ Եթե Հայաստանում գործունեություն ծավալած վրացի ներդրողները որևէ խնդիր կունենան, ապա կարող են դիմել նախագահական վարչակազմ, և դրա լուծումը կվերցվի անձնական վերահսկողության ներքո։
Մենք դեռևս չենք հարթել բոլոր խնդիրները։ Հուսով եմ, որ վրացի ձեռնարկատերերը կավելացնեն իրենց ներկայությունը Հայաստանի բիզնես միջավայրում։ Հայաստանի և Վրաստանի տնտեսությունները նման են իրար, նրանք երկուսն էլ հաղթահարում են համաշխարհային տնտեսական ճգնաժամի ծանր հետևանքները»։
Միխեիլ Սաակաշվիլին իր հերթին հայտարարել է, որ Կովկասի ապագան ինտեգրված տնտեսության մեջ է. «Հայաստանի հետ մենք պարզեցնում ենք մաքսային ընթացակարգերը և աշխատում ենք հարկային օրենսդրության սինխրոնացման ուղղությամբ»։
Սաակաշվիլին նաև հավելել է, որ Ղարաբաղյան հակամարտությունն գլխացավանք է ողջ Կովկասի և առաջին հերթին Վրաստանի համար։
