Գիտնականները պարզել են, որ կանանց զուգընկեր ընտրելու ժամանակ կարևոր դեր ունի ֆինասնական բարեկեցությունը: Կանայք, որպես կանոն, նախընտրում են լինել հարուստ տղամարդու հետ, քան գեղեցիկի: Այս մասին հայտնում է rbc.ru կայքը՝ հղում անելով արևմտյան աղբյուրներին:
Գիտնականների կարծիքով՝ այս ծրագիրը թաքնված է կնոջ ենթագիտակցության մեջ:
Կինը, որը պատրաստվում է մայր դառնալ, մեծացնել և դաստիարակել իր երեխաներին, բնազդաբար ձգտում է գտնել հաջողակ տղամարդու: Տղամարդու հաջողակ լինելը չափվում է ոչ թե իր ուժով կամ արտաքինով, այլ ֆինանսական բարեկեցությամբ:
ԱՄՆ Կոլումբիայի համալսարանի գիտնականները պարզել են, որ գեր տղամարդիկ կարող են իրենց գումարի հաշվին գերել կանանց: Անցած տարի Միչիգանի համալսարանի աշխատակիցները հետազոտության արդյունքում հայտնաբերել են, որ ցածր IQ ունեցող կանայք մեծամասամբ հակված են հարուստ զուգընկեր որոնելուն: Գիտնականները սա բացատրել են նրանով, որ կինը, որը չի կարող սեփական ուղեղով գումար աշխատել կամ լավ կարիերա ունենալ, փնտրում է նրան, ով ապահովելու է իր և իր ապագա երեխաների ֆինանսական կայունությունը:
