Տարօրինակ զուգադիպությամբ՝ «ՀայՌուսգազարդ» ընկերության ղեկավար, Երևանի քաղաքապետի հավանական թեկնածու Կարեն Կարապետյանի կենսագրականում բացակայում է այն տողը, թե որտեղ է նա ծնվել: Մասնավորապես, «ՀայՌուսգազարդի» պաշտոնական կայքում ուղղակի գրված է, որ Կարապետյանը ծնվել է 1963 թվականի օգոստոսին: Իսկ թե որտե՞ղ, այդ մասին՝ ոչ մի խոսք: Մինչդեռ, մեր տեղեկություններով, Կարեն Կարապետյանը ծնվել է ԼՂՀ Ասկերանի շրջանի Դաշբուլաղ գյուղում, այն նույն գյուղում, որտեղ, ի դեպ, ծնվել է նաև Ռոբերտ Քոչարյանը, որի հետ, ըստ որոշ տեղեկությունների, Կարեն Կարապետյանը ազգակցական կապեր ունի: Ավելին, Կարապետյանի ծնողները մինչև վերջերս դեռ բնակվում էին այդ գյուղում: Իսկ թե ինչո՞ւ է Կարապետյանը խուսափում իր կենսագրականում նշել, որ ինքը Ռոբերտ Քոչարյանի համագյուղացին է՝ թերևս, կարելի է միայն կռահել: Գուցե Կարապետյանը ուղղակի ամաչո՞ւմ է Ռոբերտ Քոչարյանից:
