«Ժողովուրդ»-ին հայտնի է դարձել, որ Սամվել Նիկոյանին ԱԺ նախագահ ընտրելուց հետո ԱԺ փոխնախագահի պաշտոնը զբաղեցնելու է ՀՀԿ խմբակցության քարտուղար, ՀՀԿ մամուլի խոսնակ Էդուարդ Շարմազանովը:
«Ուշագրավն այն է, որ մինչ այդ խոսվում էր ՀՀԿ-ական Հերմինե Նաղդալյանի թեկնածության մասին: Սակայն Սերժ Սարգսյանը կտրականապես դեմ է եղել` նրա անվան հետ կապված վերջին սկանդալների պատճառով: Ամենայն հավանականությամբ, հինգշաբթի օրը ՀՀԿ ԳՄ նիստում էլ կկայացվի ԱԺ նախագահի և փոխնախագահի հարցերի վերաբերյալ վերջնական որոշումը»:
Մինչ այդ Շարմազանովը ո՛չ հերքել է, ո՛չ էլ հաստատել այդ տեղեկությունները.
«ՀՀԿ-ն դեռ չի քննարկել ԱԺ նախագահի հարցը, դա կարվի այս շաբաթ, մինչև հերթական քառօրյայի մեկնարկը»: Հարցին՝ եթե առաջարկեն, կհամաձայնի՞, նա պատասխանել է. «Եթե-ներով հարցերը չեմ մեկնաբանում»:
