Գիտնականները ոսկրածուծի քաղցկեղի բուժման համար չափազանց կարևոր բացահայտում են արել:
Առաջին անգամ նրանք կարողացել են բացահայտել այն գեները, որոնք պատասխանատու են այս հիվանդության «մայլոմա» կոչվող առավել բարդ տեսակի համար:
Այս գեներն ունենալը կարող է 30 տոկոսով մեծացնել ոսկրածուծի քաղցկեղով հիվանդանալու վտանգը:
Mail Online-ը գրում է, որ նախկինում արդեն բացահայտվել էր, որ այս անբուժելի հիվանդություն ունեցող մարդկանց հարազատները նույն հիվանդությամբ հիվանդանալու վտանգի տակ էին, բայց դեռևս ոչ մի պատասխանատու գեն չէր գտնվել:
Քաղցկեղի հետազոտության ինստիտուտի գիտնականներն օգտագործել են «գենոմ» կոչվող մեթոդը` սկանավորելով մայլոմայով հիվանդ 1675 մարդկանց ԴՆԹ-ն: Նույն մեթոդը կիրառվել է նաև 5900 առողջ մարդկանց նկատմամբ:
Երբ համեմատել են արդյունքները, գիտնականները բացահայտել են, որ ԴՆԹ-ի այն երկու հատվածները, որոնք կրկնվում են գրեթե բոլոր հիվանդների մոտ, հիվանդության զարգացման վտանգի մեծացման հետ են կապված:
Հույս կա, որ նոր բացահայտումը կբարելավի հիվանդության ախտորոշումը և բուժումը: