Մենք արդեն հայտնել էինք, որ Լոնդոնի դատարանը որոշում է կայացրել WikiLeaks-ի հիմնադիր Ջուլիան Ասանջին գրավի դիմաց կալանքից ազատելու մասին: Սակայն դատարանի նման որոշմանը հասնելը մի գործ է, գումար ճարելը` մեկ այլ: Պարզվում է, որ Ասանջի փաստաբաններն ընկած կանխիկ գումար են հավաքում, քանի որ, ըստ բրիտանական օրենքների, գրավի գումարը պետք է լինի կանխիկ: Բանն այն է, որ 240 հազար ֆունտ ստերլինգ գումարը, որն անհրաժեշտ է գրավը վճարելու համար, հավաքվել է չեկերով, իսկ դրանք կանխիկացնելու համար անհրաժեշտ է երեք օր: Փաստաբաններն արդեն հայտնել են, որ կարող են այդ գումարը հավաքել մինչև դեկտեմբերի 17-ը:
Բրիտանական օրենքներով, թեպետ գրավի դիմաց որոշումը դատարանն ընդունել է, սակայն Ասանջը ստիպված է որոշումից հետո երեք օր մնալ բանտում, քանի որ, նույն օրենքի համաձայն, այդ երեք օրում դատավարության մեղադրող կողմ համարվող շվեդական իշխանությունները պետք է հնարավորություն ունենան բողոքարկելու այդ որոշումը: