«Պակիստանի զինվորական ուժերն այսօր պնդել են, որ ՆԱՏՕ-ի օդային հարձակումը, որի պատճառով զոհվել են Պակիստանի 24 զինվորներ, տևել է երկու ժամ և շարունակվել է անգամ այն բանից հետո, երբ բազաների հրամանատարները ալյանսին խնդրել են հարձակումը դադարեցնել: Այս մեղադրանքը կարող է Պակիստանում ՆԱՏՕ-ի դեմ բարկության նոր ալիք բարձրացնել»,– հաղորդում է Associated Press-ը
ՆԱՏՕ-ն, ինչպես արդեն հաղորդել էինք, եղածը որակել է որպես «պատահական և ողբերգակաան» իրադարձություն, և խոստացել է ամբողջական հետազոտություն անցկացնել: Իսկ երկու աֆղան պաշտոնյաներ, որոնք չեն ցանկացել հրապարակել իրենց անունները, հայտնել են, որ աֆղան հրամանատարները և ԱՄՆ-ի հատուկ ուժերը հատուկ գործողություն էին իրականացնում Աֆղանստանի սահմանի վրա, և որ հարձակումը սկսվել է Պակիստանի կողմից առաջինը բացված կրակից հետո: Հենց այդ պատճառով էլ ՆԱՏՕ-ն սկսել է օդային հարձակումը:
Այս պատահարի պատճառով Պակիստանի և ԱՄՆ-ի հարաբերություններն ավելի են սրվել, որը նվազեցնում է Պակիստանի միջոցով Աֆղանստանի հետ բանակցելու և արդեն 10 տարի տևող պատերազմը ավարտելու ԱՄՆ-ի հույսերը:
