2010 թ. առաջին երեք եռամսյակի ընթացքում բանկային համակարգի զուտ շահույթը (շահույթը հարկումից հետո) կազմել է 20.7 մլրդ դրամ, որը կազմում է ակտիվների 2.0%, և կապիտալի 9.5%-ը: Այս մասին ասվում է այսօր ԿԲ կողմից հրապարակած՝ 2010 թ. երրորդ եռամսյակի բանբերում: Շահույթով են աշխատել 19 բանկ, վնասով` 2 բանկ: Առևտրային բանկերն ապահովել են ընդհանուր 172.1 մլրդ դրամ համախառն եկամուտ՝ միաժամանակ իրականացնելով 146.0 մլրդ դրամ համախառն ծախսեր (վերահսկողական հաշվետվությունների հիման վրա): 2010թ. առաջին ինն ամիսների արդյունքներով բանկային համակարգի շահույթը մինչև հարկումը կազմում է 26.1 մլրդ դրամ:
