Սանկտ Պետերբուրգի ծովային նավահանգիստը նոյեմբերի 28-ի վաղ առավոտյան ջրհեղեղի վտանգի պատճառով փակ է եղել նավերի համար:
Ինչպես հայտնվում է Ռուսաստանի Դաշնության արտակարգ իրավիճակների նախարարության հյուսիսարևմտյան տարածքային կենտրոնի մամուլի հաղորդագրության մեջ, Նևա գետի ջրերի մակարդակի բարձրացման հետևանքով փակվել է քաղաքի նավահագիստը, փոթորիկը քշել է շենքերի տանիքներ, գովազդային վահանակներ և ծառեր:
Նոյեմբերի 27-ին ԱԻ նախարարությունում կանխատեսել էին լեռնային ինստիտուտի շրջանում ջրի մակարդակի՝ սահմանված նորմայից մինչև 194 սմ բարձրացում: Ջրհեղեղը կանխելու համար գործի են դրվել պաշտպանական կառույցի համալիրներ, և փակել են պատնեշները: Նոյեմբերի 28-ի առավոտյան ջրի մակարդակը բարձրացել է 131 սմ, պատնեշները բացվել են, իսկ ծովային նավանագիստը շարունակել իր աշխատանքները:
Ինչպես հայտնում է БалтИнфо-ն, կեսօրին ջրի մակարդակը 144 սմ էր, սակայն այդ պահին երկրորդ պատնեշի դարպասներն արդեն բացվել էին: Նևայում ջրի մակարդակը, մասնագետների տվյալներով, սկսել է իջնել: Հաջորդ բարձրացումը սպասվում է նոյեմբերի 29-ի երեկոյան:
Интерфакса գործակալության փոխանցմամբ՝ Մեծ Նևան գրեթե ամբողջությամբ քշել է Պետրոպավլովյան ամրոցի լողափը: