Մարդու իրավունքների եվրոպական կոնվենցիայի չափորոշիչների կիրառումը ՀՀ դատաիրավական բարեփոխումների համատեքսում սեմինարի ընթացքում ՀՀ Սահմանադրական դատարանի նախագահ Գագիկ Հարությունյանը խոսեց Կոնվենցիայի և մեր Սահմանադրության նորմերի կիրառման մասին:
Գնահատելով մարդու իրավունքների Եվրոպական կոնվեցիայի նորմերի կիրառումը ՀՀ-ում՝ ՍԴ նախագահ Գագիկ Հարութունյանը նկատեց, որ Հայաստանում օրենսդրական և իրավակիրառական պրակտիկայում բազմաթիվ շեղումներ կան կոնվենցիայից և սահմանադրական նորմերից: Ըստ Հարութունյանի՝ մենք խոսում ենք իրավունքի գերակայության մասին, սակայն միևնույն ժամանակ մեզանում չափազանց շատ են իրավունքի սահմանափակումները: «Մեր հայկական իրավունքում այսօր հասել են դիապոզիցիայի և սանկցիայի կիրառման աննորմալ երևույթների»: Պետք է լուրջ քայլեր ձեռնարկել՝ փոխելու արժեհամակարգը, այլ ոչ թե պառլամենտում չորս պատգամավորների մասնակցությամբ լրջագույն օրենքներ քննարկվեն և ընդունվեն, ինչն էլ հետագայում մի շարք խնդիրներ է առաջացնում: Գագիկ Հարությունյանը տեղեկացրեց, որ այս տարվա ընթացքում ՍԴ-ն 33 գործերով կիրառած օրենքը ճանաչել է հակասահմանադրական:
