Грузия Online-ի փոխանցմամբ՝ Վրաստանի ԱԳՆ-ը հրաժարվել է մեկնաբանել Վրաց պատրիարք Իլյա 2-րդի մոսկովյան այցը՝ դա բացատրելով նրանով, որ ինքը չի մասնակցել այդ այցի պլանավորմանը։ Այս մասին այսօր տեղի ունեցած ճեպազրույցի ժամանակ հայտարարել է Վրաստանի փոխարտգործնախարար Նինո Կալանդաձեն.
«Եթե որևէ մեկը կարող է թեկուզ փոքր-ինչ ներդրում ունենալ ռուս-վրացական հակամարտության կարգավորման գործընթացում, ապա դա պետք է միայն ողջունել։ Ռուսաստանի ներկայիս իշխանությունների գործողությունները չեն վկայում այն մասին, որ նրանք շահագրգռված են ռուս-վրացական հարաբերությունների կարգավորմամբ։
Ելնելով դրանից՝ մենք թերահավատորեն ենք մոտենում նրան, որ այդ գործընթացում մոտ ապագայում կարող են ինչ-որ արդյունքներ գրանցվել։ Մենք բանակցությունների սկսման համար նախադրյալներ չենք տեսնում»։
Հիշեցնենք, որ Իլյա 2-րդի մոսկովյան այցը տեղի է ունեցել նոյեմբերի 18-24-ը։
