Ճապոնական վթարային «Ֆուկուսիմա-1» ատոմակայանի տնօրեն Մասաո Յոսիդան հինգշաբթի պաշտոնապես հրաժարական է տալու առողջական խնդրիների պատճառով:
Ինչպես հաղորդում է РИА Новости-ն՝ հղում անելով ճապոնական Կիոդա գործակալությանը, այդ մասին հայտնել է ատոմակայանի օպերատոր TEPCO ընկերությունը:
56-ամյա Յոսիդան այժմ հոպիտալացվել է: Հիվանդութան պատճառների և ռադիացիայի հետ հիվանդության կապի մասին չի հաղորդվում:
Յոսիդան առողջանալուց հետո շարունակելու է աշխատել TEPCO-ում, սակայն զբաղեցնելու է այլ պաշտոն:
Ինչպես նշում է ճապոնական NHK հեռուսատաալիքը, նոյմեբերի 12-ին լրագրողների հետ հանդիպման ժամանակ, որոնց առաջին անգամ թույլատրել էին այցելել վթարային ատոմակայան, Յոսիդան պատմել է, որ «վթարից մեկ շաբաթ հետո անընդհատ մտածել է մահանալու մասին»:
Յոսիդան ատոմակայանի տնօրենի պաշտոնը ստանձնել է 2010 թվականի հունիսից, և մարտյան աղետից հետո ղեկավարում է ատոմակայանի վթարավերականգնողական աշխատանքները:
Հիշեցնենք, որ մարտի 11-ին տեղի ունեցած երկրաշարժից և դրա հետևանքով առաջացած ցունամիից վթարված ատոմակայանում տեղի էր ունեցել ռադիացիայի արտահոսք, որից հետո ճապոնացի մասնագետները ռադիոակտիվ նյութեր են հայտնաբերել խմելու ջրի, թեյի, մսի և այլ սննդամթերքի մեջ: