Ամերիկացի մուլտիպլիկատոր Ուոլթ Դիսնեյի ամենահին նկարը աճուրդի է հանվելու:
Ինչպես հայտնում է Washington Post-ը, նոյմբերի 29-30-ը այն աճուրդի է հանվելու Նևադա նահանգի Ռինո քաղաքում:
Փորձագետների կարծիքով՝ Holabird-Kagin Americana աճուրդային տնից նկարը վաճառվելու է 35-50 հազար դոլարով: Նկարում պատկերված է կոստյումով և գլխարկով մի տղամարդ, որը սիգարը է ծամում: Նկարի նախնական գինը կազմում է 17,5 հազար դոլար:
Այն թվագրվում է 1920 թվականով: Ընկերության ներկայացուցիչ Ֆրեդ Հոլաբըրդի կարծիքով՝ Դիսնեյի վաղ նկարները հազվագյուտ երևույթ են: Նա նաև նշել է, որ այս նկարը մուլտիպլիկատորի ամենավաղ նկարներից մեկն է:
Chicago Sun Times-ը գրում է, որ նկարը ավելի վաղ պատկանել է Ուոլթ Դիսնեյի քրոջը` Ռութ Դիսնեյին:
