ՀԺԿ վարչության քարտուղար Գրիգոր Հարությունյանի գնահատմամբ, Աստանայում ԼՂՀ-ի մասին ստորագրված փաստաթուղթը ոչ այլ ինչ է, քան տարածքների հանձնման փաստաթուղթ: Հարությունյանն իր այդ տեսակետը պարզաբանեց նրանով, որ Աստանայում ստորագրված հնգակողմ փաստաթղթում հայկական կողմը ընդունեց մադրիդյան սկզբունքները: «Մադրիդյան սկզբունքները մեր դիվանագիտության պարտությունն են: Այստեղ ինքնորոշման հարցը դրված է ամենավերջում: Սկզբում խոսում են տարածքների վերադարձման մասին, ինչը նշանակում է, որ սահմանը կերկարի 300 կմ-ով, հետո իրականացվելու է փախստականների վերադարձ, միջազգային ուժերի տեղակայում, և հետո նոր կմտածեն ինքնորոշման մասին»: Գրիգոր Հարութունյանի գնահատմամբ, փոխզիջումը ենթադրում է որոշակի զիջումներ: Սակայն մինչև չորոշվի ԼՂՀ կարգավիճակի հարցը, որևէ զիջման մասին խոսք անգամ չի կարող լինել:
