ԵԱՀԿ Մինսկի խմբի համանախագահների ադրբեջանական այցի քննարկման առարկաներից մեկը լինելու է շփման գծումԱդրբեջանական Salam News գործակալության փոխանցմամբ՝ Ադրբեջանում ԱՄՆ դեսպան Մեթյու Բրայզան լրագրողների հետ զրույցում անդրադարձել է Ղարաբաղյան հակամարտության կարգավորմանը.
«ԵԱՀԿ Մինսկի խմբի համանախագահների ադրբեջանական այցի քննարկման առարկաներից մեկը լինելու է շփման գծում գրանցված վերջին միջադեպերը։ Ես որևէ նոր բան չեմ ակնկալում համանախագահների այդ այցից։ Սակայն այն կարող է բանակցային գործընթացին հաղորդել հավելյալ էներգիա։
Ես աջակցում եմ հայերի և ադրբեջանցիների միջև հանդիպումներին։ Կարծում եմ, որ հայերի ու ադրբեջանցիների միջև շփումները պետք է լինեն ավելի ինտենսիվ։ Միայն այդ դեպքում կարելի կլինի ընդհանուր լեզու գտնել։ Եթե կողմերի միջև տիրի վստահության մթնոլորտ, ապա հնարավոր կլինի ավարտին հասցնել շրջանակային համաձայնագրի կնքման վրա տարվող աշխատանքները»։
Հիշեցնենք, որ Բրայզայից առաջ էլ Ադրբեջանի փոխարտգործնախարար Արազ Ազիմովն էր հայտարարել, որ որևէ նոր բան չի ակնկալում համանախագահների տարածաշրջանային այցից։
գրանցված վերջին միջադեպերը։