Ինչպես տեղեկացնում է Газета.Ru-ն` Ռուսաստանի փոխվարչապետ Իգոր Սեչինը, որը Ստամբուլում մասնակցում էր առևտրատնտեսական և գիտատեխնիկական համագործակցության ռուս-թուրքական միջկառավարական հանձնաժողովի նիստին, հայտարարել է, թե Ռուսաստանը շահագրգռված է բանկային ոլորտում թուրք գործընկերների հետ համագործակցությամբ: «Դա մեր գործակցության շատ կարևոր ուղղությունն է, քանի որ բանկերն ապահովում են առևտրային նախագծերի իրացումը»,- ասել է նա:
Ռուսաստանի փոխվարչապետը հիշեցրել է, որ, երկու երկրների կառավարությունների ղեկավարների նախաձեռնությամբ, Ռուսաստանի և Թուրքիայի բանկային համակարգերն ակտիվորեն համագործակցում են, այդ թվում` ազգային արժույթներով փոխհաշվարկների զարգացման ոլորտում: «Ցանկանում եմ նաև նշել, որ «Վնեշտորգբանկ»-ն իր ակտիվների մի մասը տեղաբաշխում է արտաքին շուկաներում: Այդ կապակցությամբ մենք ուրախ կլինենք, եթե թուրք գործընկերները հետաքրքրվեն ՎՏԲ-ի բաժնետոմսերի գնմամբ»,- հայտարարել է Սեչինը: