«Առաջին լրատվական»-ի հարցին` ինչպե՞ս է ՀՀԿ-ն վերաբերվում ուրբաթ օրը Հայ ազգային կոնգրեսի առաջնորդ Լևոն Տեր-Պետրոսյանի` ԲՀԿ-ի հետ հնարավոր համագործակցության մասին հայտարարություններին, ՀՀԿ խոսնակ, ԱԺ Հանրապետական խմբակցության քարտուղար Էդուարդ Շարմազանովը պատասխանեց. «ԲՀԿ-ին է ուղղվել այդ մեսիջը, թող ԲՀԿ-ն էլ պատասխանի»:
Մեր դիտարկմանը, թե` ԲՀԿ-ն կոալիցիայի մաս է, հետևաբար ՀՀԿ-ն իր կոալիցիոն գործընկերոջն ուղղված մեսիջներին պետք է որևէ կերպ արձագանքի` Շարմազանովը պատասխանեց.
«ՀՀԿ-ն կոալիցիոն ուժ է, բայց երբեք ԲՀԿ-ին կամ «Օրինաց երկրին» ուղղված մեսիջներին չենք պատասխանում. ես ՀՀԿ խոսնակն եմ»:
Անդրադառնալով ԱԺ նախագահի թեկնածուի վերաբերյալ հարցին` Էդուարդ Շարմազանովը նշեց. «Այս շաբաթ կգումարվի ՀՀԿ խորհրդի և գործադիր մարմնի նիստ, և ՀՀԿ-ն կքննարկի ու կորոշի իր թեկնածուին»: