Associated Press-ի փոխանցմամբ՝ Իրանի նավատորմը համալրվել է «Ղադիր» տիպի երեք սուզանավերով։ Դրանք ջուրն են իջեցվել Իրանի հարավում ընկած Բենդեր Աբաս նավահանգստում։
«Ղադիր» տիպի սուզանավը զինված է երկու տորպեդային ապարատով, որոնք ունակ են արձակել 533 միլիմետր տրամաչափի տորպեդներ, ինչպես նաև ծովային ականների տեղադրման սարքերով։ Սուզանավի անձնակազմը բաղկացած է 18 մարդուց։ Առափնյա պաշտպանության համար նախատեսված այս սուզանավը ժամում կարող է զարգացնել 11 ծովային մղոն արագություն։
Հիշեցնենք, որ ուրբաթ օրը Իրանի ռազմածովային ուժերի հրամանատար, փոխծովակալ Հաբիբոլա Սայարին Մաշհադում հայտարարել էր, որ Իրանի ռազմածովային ուժերը պատրաստ են հակազդել ցանկացած սպառնալիքի՝ ընդգծելով, որ իրանական ռազմածովային ուժերը ռազմավարական և ոչ թե միայն ափամերձ ուժեր են։