People ամսագիրը «տարվա կին» է անվանել հայտնի հոլիվուդյան դերասանուհի Սանդրա Բուլոքին: 46-ամյա դերասանուհին այս տարի աչքի է ընկել «Օսկար» մրցանակով` «Անտեսանելի կողմը» ֆիլմում գլխավոր դեր խաղալու համար, աճող աշխատավարձերով, ինչպես նաև ամուսնուց բաժանվելով: Բուլոքը հիմա ստիպված է մենակ մեծացնել որգեդրած երեխային:
Բուլոքն այս տարի աշխատել է $56 մլն: Բացի վերնշյալ ֆիլմից` Սանդրան խաղացել է նաև «Առաջարկ» ֆիլմում, որի հեղինակներն աշխատել են 8 անգամ ավելի շատ գումար, քան ծախսել էին:
People ամսագիրն անվանել է նաև ևս 25 անվանակարգերի հաղթողներին. Միշել և Բարաք Օբամաներն անվանվել են որպես «գլխավոր ամուսնական զույգ», Սառա Փեյլինը` «խոշոր տրամաչափի թնդանոթ»: Մարկ Ցուկերբերգը, որը Facebook սոցիալական ցանցի հիմնադիրն է, և WikiLeaks հանրահռչակ Ջուլիան Ասանջը նույնպես առանձնացվել են ամսագրի կողմից (հիշեցնենք, որ Ցուկերբերգը երեկ Time ամսագրի կողմից արժանացել է «տարվա մարդ» մրցանակին):
Ամսագրի 25 լավագույնների մեջ են նաև դերասանուհի Անջելինա Ջոլին, դերասան Մայքլ Դուգլասը, որը հիվանդ է քաղցկեղով, դերասանուհի Նատալի Պորտմանը, երգիչ Ռիկի Մարտինը, երգչուհի Քրիստինա Ագիլիերան և այլք: