Դատավորները և դատախազները վճռորոշ դեր ունեն խոշտանգումների դեմ պայքարի գործում: Նրանք հիմնական դերակատարություն ունեն իրավունքի գերակայության պահպանման հարցում: Ոչինչ այնքան քայքայիչ չէ իրավունքի գերակայության համար, որքան պաշտոնական ապօրինությունները, հատկապես` պետական պաշտոնյաների կատարած: Բացի այդ, եթե պետությունը ներգրավվում է խոշտանգումների կանխարգելման գործում և ձախողում այդ գործընթացը, նա խախտում է միջազգային պարտավորությունները: Այն անձինք, որոնք պատասխանատու են արդարադատության իրականացման համար, պետք է տեղյակ լինեն իրենց այդ դերի մասին և երկիրը նման դրության մեջ չդնեն: ՀՀ դատախազները, դատավորները և իրավապահները այս տարրական կանոններին կարող են ծանոթանալ պայքար խոշտանգումների դեմ ձեռնարկում, որը այսօր ներկայացրեց ԵԽ խոշտանգումների կանխարգելման հանձնաժողովի ներկայացուցչությունը, իսկ ձեռնարկի ֆինանսավորումը հովանավորում է Հոլանդիայի արտգործնախարարը: