Բրազիլիայի Կալդաս-Նովաս քաղաքում ընթանում է շախմատի 2011թ. պատանեկան Աշխարհի առաջնությունը:
Մ-16 տարեկանների պայքարի 8-րդ տուրում Կարեն Գրիգորյանն առավելության հասավ Ադրբեջանի ներկայացուցիչ Իզզաթ Կանանի նկատմամբ, իսկ Հովհաննես Գաբուզյանը պարտվեց պերուացի Կորի Յորգեին: Կարեն Գրիգորյանը վաստակած 6 միավորով գտնվում է 7-րդ տեղում և առաջատար եռյակին զիջում է 0.5 միավորով: Հովհաննես Գաբուզյանն ունի 5.5 միավոր և հանգրվանել է մրցաշարային աղյուսակի 9-րդ տեղում:
Մ-18 տարեկանների մրցապայքարում իր 7-րդ հաղթանակը տարավ Սամվել Տեր-Սահակյանը` առավելության հասնելով ԱՄՆ-ի ներկայացուցիչ Էրիկ Ռոսենի նկատմամբ: Վերջին տուրից առաջ Սամվելը վաստակած 7.5 միավորով զբաղեցնում է մրցաշարային աղյուսակի առաջին հորիզոնականը և երկրորդ տեղում գտնվող Վլադիմիր Ֆեդոսեևին գերազանցում է 1 միվորով, ում հաջողվել էր մեր շախմատիստի հետ իր պարտիան ավարտել ոչ-ոքի:
Ռոբերտ Աղասարյանը հաղթեց Արգենտինացի Խուան Մանուել Գայտանին և վաստակած 5.5 միավորով գտնվում է 14-րդ տեղում:
