Այսօր Ռուսաստանի նախագահի աշխատակազմի ղեկավարի տեղակալ Վլադիսլավ Սուրկովը մեկնաբանել է Известия թերթին Ռուսաստանի մայրաքաղաքում տեղի ունեցած ազգայանական հուզումները:
«Անկարգությունները, որոնք վտանգում են մոսկվացիների կյանքը, և հարձակումները ոստիկանության վրա չի կարելի արդարացնել: Ոչ մի բանով: Չի կարելի նաև ոչ մի բանով արդարացնել նաև Եգորի սպանությունը (ի նկատի ունի «Սպարտակ» ֆուտբոլային թիմի երկրպագուի սպանությունը, որից սկսել են բախումները – խմբ.): Բոլոր նրանք, ովքեր սպանել են Եգորին, պետք է հայտնվեն բանտում: Այնքան երկար, որպեսզի մենք մեր քաղաքում նրանց երբեք չտեսնենք»,- ասել է Սուրկովը:
«Այս աշնանը ես հանդիպել եմ կովկասցի երիտասարդների հետ: Մենք անկեղծ էինք խոսում. Ռուսաստանի շատ շրջաններում նրանք դժվարություններ են ունենում: Բայց նաև խոսեցինք այն մասին, որ Կովկասում էլ ռուսները ոչ բոլոր վայրերում և ոչ միշտ է, որ հանգիստ են ապրում: Հարավից եկածները պետք է հասկանան, որ նրանց նկատմամբ վերաբերմունքը ձևավորվում է հենց իրենց պատճառով: Նրանք, ովքեր գալիս են այստեղ սովորելու, աշխատելու, պետք է պաշտպանված լինեն, և պետությունը ամբողջ պատասխանատվությունը վերցնում է իր վրա:
Իսկ բոլոր նրանք, ովքեր կմտնեն էթնիկ հանցավոր խմբավորումներ և կկրակեն ՄԵՐ ՏՂԱՆԵՐԻ վրա, նրանց մենք արմատախիլ կանենք»,- ավելացրել է Սուրկովը:
«Մենք մեր քաղաքը նորաթուխ «դեդ հասաններից» և իրենց հետևորդներին չենք տա: Մոսկվային և Ռուսաստանին պետք է քաղաքացիական խաղաղություն: Մեր երկիրը, մեր ընդհանուր տունն է բոլոր մեր ժողովուրդների համար»:
Հիշեցնենք, միայն, որ Սուրկովն ինքն էլ չեչնական ծագում ունի, և հայտնի չէ, թե «ՄԵՐ ՏՂԱՆԵՐ» ասելով` նա ում ի նկատի ուներ: