Երեկ Եվրոպայի լիգայի շրջանակներում կայացան D, E, F, J, K, L խմբերի վերջին տուրի հանդիպումները: D խմբում «Վիլյառեալ»-ը, որ նախապես ապահովել էր հաջորդ փուլի ուղեգիրը, մրցակցի հարկի տակ 1:2 հաշվով հաղթեց «Բրյուգե»-ին: Մյուս ուղեգիրը նվաճեց «Պաոկ»-ը, որը 1:0 հաշվով պարտության մատնեց Զագրեբի «Դինամո»-ին: E խմբի երկու հանդիպումներն էլ ձևական բնույթ էին կրում. Կիևի «Դինամո»-ն ու բելառուսական «Բատե»-ն խմբային փուլի ավարտից մեկ տուր առաջ ապահովել էին իրենց տեղը փլեյ օֆում: «Դինամո»-«Շերիֆ»` 0:0, «Ալքմար»-«Բատե»` 3:0: F խմբում ճիշտ նույն E խմբի իրավիճակն էր: Մոսկվայի «ԲԿՄԱ»-ն ու չեխական «Սպարտա»-ն նախապես նվաճել էին 1/16 եզրափակչի ուղեգրերը: «Սպարտա»- «ԲԿՄԱ»` 1:1, «Լոզանա»-«Պալերմո»` 0:1: J խմբում Դորթմունդի «Բորուսիա»-ին իսպանական «Սևիլիա»-ի դեմ խաղում միայն հաղթանակը կոգներ հաջորդ փուլ դուրս գալ: Չնայած առաջին գոլը խփեցին գերմանացիները, բայց նրանց չհաջողվեց հաղթել և հանդիպումն ավարտվեց 2:2 հաշվով: Մյուս խաղում նույնպես գրանցվեց ոչ ոքի արդյունք` «Կարպատի»- «ՊՍԺ»` 1:1: «Սևիլիա»-ն ու «ՊՍԺ»-ն կշարունակեն իրենց ելույթները 1/16 եզրափակչում: K խումբ` «Լիվերպուլ»-«ՈՒտրեխտ»` 0:0, «Նապոլի»-«Ստյաուա»` 1:0: Հաջորդ փուլում կխաղան «Լիվերպուլ»-ն ու «Նապոլի»-ն: L խմբից փլեյ օֆում կխաղան «Պորտու»-ն և «Բեշիքթաշ»-ը: «Բեշիքթաշ»-«Ռապիդ»` 2:0, «Պորտու»-«ԲԿՄԱ Սոֆիա»` 3:1:
