Ռուսաստանի պետդումայի մանդատային հարցերով հանձնաժողովը խորհրդարանի ստորին պալատին առաջարկել է հավանություն տալ Լիբերալ-դեմոկրատական կուսակցության պատգամավոր Աշոտ Եղիազարյանի դեմ քրեական գործ հարուցելուն:
Չորեքշաբթի քննչական կոմիտեի ղեկավարի պաշտոնակատար Ալեքսանդր Բաստրիկինը պետդումային դիմում է հղել ` խնդրելով քրեական գործ հարուցել պատգամավոր Եղիազարյանի դեմ քրեական օրենսգրքի 159 հոդվածի 4-րդ մասի հատկանիշներով` խարդախություն, որը կատարվել է մի խումբ անձանց կողմից:
Ենթադրվում է, որ խորհրդարանն այս հարցը կքննարկի հոկտեմբերի 22-ին: