Այսօր Երևանի Բելառուսի դեսպանատան հարևանությամբ տեղի ուենցավ ակցիա`ի պաշտպանություն Ալես Բելյացկու: Այն կազմակերպվել է Հելսինկյան ասոցիացիայի կողմից:
«Վեսնա» իրավապաշտպան կենտրոնի ղեկավար, Մարդու իրավունքների միջազգային ֆեդերացիայի (FIDH) փոխնախագահ Ալես Բելյացկուն երեկ Բելառուսի իշխանությունները դատապարտել են 4,5 տարվա ազատազրկման:
Իրավապաշտպանները, ակցիայի մասնակիցները պահանջում էին ազատ արձակել Բելյացկուն և դադարեցնել հետապնդումը նրա նկատմամբ: Սա նմանատիպ երկրորդ ակցիան է. առաջինը տեղի էր ունեցել սեպտեմբերի 5-ին: Պիկետի կարգախոսներն էին՝ «Ազատություն Ալես Բելյացկուն», «Մեր և ձեր ազատությունների համար», «Ազատություն քաղբանտարկյալներին»:
Հելսինկյան ասոցիացիայի ներկայացուցիչների համոզմամբ` Բելառուսի իշխանությունները նրան ձերբակալել են ակնհայտ քաղաքական շարժառիթներով՝ հարկերից խուսափելու մեղադրանքով: ՄԱԿ-ի՝ մարդու իրավունքների հարցերով գլխավոր հանձնակատարը, միջազգային կազմակերպությունները, հասարակական կազմակերպությունները և առաջատար երկրների կառավարությունները իրենց մտահոգությունն են հայտնել Ալես Բելյացկու նկատմամբ իրականացվող հետապնդումների վերաբերյալ՝ այդ քայլը գնահատելով իբրև իշխանությունների վրեժը Բելյացկու իրավապաշտպան գործունեության համար և քաղաքացիական հասարակությանը վախեցնելու փորձ, և պահանջել են անհապաղ ազատ արձակել իրավապաշտպանին:
Հիշեցնենք, որ այսօր միաժամանակ նմանատիպ ակցիաներ են անցկացվել մի քանի երկրներում: