BBC հեռուստաընկերությունն իր կայքում տեղադրել է մի տեսանյութ, որտեղ ցուցադրվում են ռուսական ռազմարդյունաբերության նոր հայտնագործությունները` փչովի տանկերն ու C-300 կայանները: Ընդ որում, լրագրողի պնդմամբ` ռուսներին հաջողվել է այնպիսի սարքավորում տեղադրել այս փչովի զենքերի վրա, որ տարբեր օտարերկրյա արբանյակներ և ռադարներ այս «տանկը» ֆիքսելիս` այն ճանաչում են որպես իրական զենք: http://www.bbc.co.uk/news/world-europe-11511886
Այստեղ միանգամից մտաբերում ենք 2008թ. ռուս-վրացական պատերազմը. լրատվամիջոցներում հրապարակումներ եղան, որ ռուսներն իրենց զենքը, ռազմական տեխնիկան նախապես` մինչև պատերազմն էին բերել Հարավային Օսիա: Ռուսները հերքեցին դա` պնդելով, որ իրենք իսկապես էլ մինչև պատերազմը Հարավային Օսիայում ունեցել են տեխնիկա, սակայն դուրս են բերել այն: Այս տեսանյութից պարզ է դառնում, որ հավանաբար, իսկականը բերել են, փչովին` հանել: