Ոստիկանության Երևան քաղաքի վարչության ժամանակավոր պահման ընդունիչ մեկուսարանի պետ Էդիկ Գալստյանը, ում ամիսներ առաջ աշխատանքից հեռացրել էր ՀՀ նախկին ոստիկանապետ Ալիկ Սարգսյանը, նորանշանակ ոստիկանապետ Վլադիմիր Գասպարյանի հրամանով վերականգնվել է իր պաշտոնում:
Հիշեցնենք, որ Էդիկ Գալստյանը Ալիկ Սարգսյանի հրամանով պաշտոնից ազատվել էր հուլիսի 19-ին:
Ըստ շրջանառվող լուրերի` ոստիկանապետը ոստիկանության Ներքին անվտանգության վարչությանը հանձնարարել էր նշված մեկուսարանում ծառայողական քննություն անցկացնել, որի արդյունքում պարզվել է, որ Էդիկ Գալստյանը «ԿՊԶ»-ում գիշերը կազմակերպել է այնտեղ գտնվող մի քրեական հեղինակության հանդիպումը այլ անձի հետ:
Մինչ Էդիկ Գալստյանի վերադարձը Երևան քաղաքի վարչության ժամանակավոր պահման ընդունիչ մեկուսարանի պետի պաշտոնում աշխատում էր Արամ Հակոբյանը: