Շոտլանդացի հոգեբանները պարզել են` ինչքան հարուստ և անկախ են դառնում ժամանակակից կանայք, այնքան ավելի քիչ են սկսում նրանց հետաքրքրել երիտասարդների հետ հարաբերությունները: Այս երևույթը մասնագետներն անվանում են «Ջորջ Քլունիի էֆեկտ»:
Իգական սեռի հարուստ ներկայացուցիչները երազում են վստահելի և գիտակ զուգընկերոջ մասին, քան` երիտասարդ ու սեքսուալ: Այս բացահայտումները խաչ են քաշում հոգեբանության դասական պատկերացումների վրա:
«Մեր փորձերը ցույց են տվել, որ հարուստ տղամարդիկ հակառակ սեռի ներկայացուցիչ ընտրելիս մեծ ուշադրություն են դարձնում նրա ֆիզիկական գրավչությանը, մինչդեռ կանայք փնտրում են այնպիսի տղամարդու, որը ոչ միայն կբավարարի իրենց սեռական և նյութական պահանջները, այլև կլինի ընտանիքի լիիրավ ղեկավար»,- պատմում է հետազոտության ղեկավար, հոգեբանության դոկտոր Ֆիոնա Մուրը: «Մենք կարծում էինք, որ կանայք, որոնք մեծ գումարներ են աշխատում, կնախընտրեն երիտասարդ սիրեցյալների, բայց դա այդպես չէ»,- ավելացրեց նա:
Հետազոտություններն անց են կացվել Էբերտի համալսարանի գիտնականների կողմից: Առցանց հարցումներին մասնակցել են 3770 կին և տղամարդ, որոնք հայտնել են իրենց անձնական կյանքի և ապահովվածության աստիճանի մասին: Պարզվել է, որ թույլ սեռի ներկայացուցիչները տղամարդու, որին դիտարկում են որպես պոտենցիալ զուգընկեր, արտաքինին և երիտասարդ լինելու հանգամանքին ուշադրություն են դարձնում մինչև այն պահը, երբ դառնում են ֆինանսապես անկախ:
«Հարուստ կանայք, ինչպես նաև տղամարդիկ, ուշադրություն են դարձնում զուգընկերոջ արտաքին տեսքին: Սակայն հարուստ կանանց համար երիտասարդ սիրեցյալները դառնում են անպետքական»,- նշում է Մուրը: