ՀՀ ԱԳՆ մամլո գրասենյակից «Առաջին լրատվական»-ին տեղեկացնում են, որ նոյեմբերի 23-ին Ավստրիայում ՀՀ դեսպան Արման Կիրակոսյանը հանդիպել է ՕՊԵԿ-ի Միջազգային զարգացման հիմնադրամի (OFID) գլխավոր տնօրեն Սուլեյման Ալ-Հերբիշի հետ:
Գլխավոր տնօրենը ներկայացրել է Միջազգային զարգացման հիմնադրամի նպատակները, գործունեության ոլորտները, անդրադարձել Հայաստանի հետ իրականացված ծրագրերին, ինչպես նաև առկա համագործակցության զարգացման հեռանկարներին:
Ա. Կիրակոսյանը գոհունակություն է հայտնել կազմակերպության հետ համագործակցությունից և ընդգծել հիմնադրամի ֆինանսավորմամբ իրականացված ծրագրերի դերն ու կարևորությունը Հայաստանի համար:
ՀՀ Կառավարության անունից նա շնորհակալություն է հայտնեց գլխավոր տնօրենին Հայաստանին ցուցաբերած աջակցության և տրամադրած վարկերի համար:
Կողմերը քննարկել են հետագա համագործակցության հնարավոր ուղղությունները և հետաքրքրությունը հայտնել նոր նախաձեռնություններով հանդես գալու հարցում: