Ադրբեջանական APA լրատվական գործակալության փոխանցմամբ՝ երեկ Կարմիր խաչի միջազգային կոմիտեի (ԿԽՄԿ) ներկայացուցիչներն այցելել են ադրբեջանական գերության մեջ պահվող 3 հայ զինծառայողներին և 5 քաղաքացիական անձանց (մեկ ընտանիքի անդամներ)։
Այս մասին հայտարարել է ԿԽՄԿ-ի ադրբեջանական ներկայացուցչության հասարակական կապերի բաժնի պետ Իլահ Հուսեյնովը։ Վերջինիս խոսքերով՝ հայ ռազմագերիները ԿԽՄԿ-ի ներկայացուցիչների միջոցով նամակներ են փոխանցել իրենց ընտանիքներին։
Նշվում է, որ Հայաստանի քաղաքացիներ հանդիսացող Եղիշե, Ռուզան, Ալֆրեդ, Գայանե և Պետրոս Գևորգյանները (մեկ ընտանիքի անդամներ) ադրբեջանական կողմ են անցել 2010 թվականի հունվարին։
Իսկ երեք հայ ռազմագերիներից երկուսը՝ Օհան Հարությունյանը և Գևորգ Թովմասյանը, ադրբեջանական կողմում են հայտնվել 2009 թվականի մայիսին, իսկ Կարեն Հարությունյանը՝ 2009 թվականի հուլիսին։