Չինաստանը 2011 թ. երրորդ քառորդի արդյունքում դարձել է սմարթֆոնների վաճառքի ամենախոշոր շուկան` շրջանցելով ԱՄՆ-ին:
Ինչպես հաղորդում է BBC-ն, 3 ամսվա ընթացքում Չինաստան մատակարարվել է 24 մլն սմարթֆոն, իսկ նույն ժամանակահատվածում ԱՄՆ` 23 մլն սմարթֆոն: Այս մասին ասվում է Strategy Analytics-ի հետազոտության մեջ:
Այդ տվյալներով` Չինաստանում հատկապես մեծ տարածում ունեն տեղական ապրանքանիշների ոչ թանկարժեք սմարթֆոնները, որոնք աշխատում են Android օպերացիոն համակարգով:
Նշենք, որ Չինաստանն արդեն վաղուց աշխարհի խոշորագույն շուկան է սովորական հեռախոսների վաճառքով: Այս երկրում բջջային կապի ծառայություններից օգտվում է 952 մլն մարդ, ընդ որում՝ այդ թիվը գնալով աճում է: