Ինչպես փոխանցում է ռուսական «Երկրամաս» թերթը, 15-ամյա Վախթանգ Մկրտչյանը սահմանել է նոր ռեկորդ` կատարելով 49 հրում երկու մատի վրա 1 րոպե 49 վայրկյան ժամանակում: Նախկինում այդ ռեկորդը պատկանում էր եգիպտացի Մուհամադ Ալի Զինհին, որը 46 հրում էր արել 49 վայրկյանում:
Վախթանգը ծնվել է Հայաստանում, սակայն այս պահին բնակվում է Ռուսաստանի Դոնի Ռոստով քաղաքում:
Վախթանգ ասել է, որ այս գաղափարն իր մոտ առաջացել է այն ժամանակ, երբ դպրոցում այս վարժությունն է հանձնել: Նա դիմել է մեկ այլ ռեկորդսմենի՝ Արարատ Ջեյրանյանին, որը 12,000 կքանստելու վարժություն է արել վեց ու կես ժամում: Սկզբում Վախթանգը փորձել է երկու ձեռքով հրումը, ապա որոշել է անցնել ավելի դժվար վարժությանը` հրում հատակից երկու մատի վրա:
Ռեկորդը հայ պատանին սահմանել է Մոսկվայում` մասնակցելով «Գինեսի ռեկորդի գրքի» միջազգային փառատոնին: