ՀՀ բնապահապանության նախարար Արամ Հարությունյանի և Գեղարքունիքի մարզպետ Նվեր Պողոսյանի մասնակցությամբ այսօր Սևանա լճի Վարդենիսի հատվածում լիճ է բաց թողնվել մանրաձկան հերթական խմբաքանակը:
2011թ. պետական բյուջեով «Ձկան պաշարների համալրման ծառայություններ» ծրագրի շրջանակներում հատկացված 60 մլն դրամով ներկայում ընթանում է գեղարքունի և ամառային իշխան ձկնատեսակների պոպուլյացիայի վերականգնման աշխատանքը:
Ընդհանուր առմամբ, Սևանա լիճ բաց է թողնվել 365 հազար մանրաձուկ, որից 167 հազարը` 5 գրամանոց գեղարքունի, իսկ 200 հազարը` 3 գրամանոց ամառային իշխան:
«Սևանի այս հատվածն ընտրվել է` համաձայն Հայաստանի հիդրոլոգիայի ինստիտուտի հետազոտությունների, քանի որ այն լավագույնս է համապատասխանում հետագա աճի պայմաններին: Բնապահպանության նախարարությունը խիստ հսկողություն է սահմանելու է, եւ շարունակելու է գործել ձկնորսության արգելքի ռեժիմը, որը թույլ կտա վերականգնել նշված ձկնատեսակների պոպուլյացիան»,- ըստ «Արմենպրեսի»` ասել է Արամ Հարությունյանը:
«Ձկան պաշարների համալրման ծառայություններ» նախատեսված աշխատանքներն իրականացվել են Վայոց ձորի «Արևաձուկ» ՍՊԸ-ի և Սյունիքի «Անգեղակոթի ձկնաբուծական կոմբինատ» ԲԲԸ-ի համատեղության կարգով: