Տարեվերջին Գյումրում կբացվի Ռուսական գրքի տուն:
Այն լինելու է ոչ միայն գրախանութ, այլև մշակութային կենտրոն և զբաղվելու է հասարակական-մշակութային գործունեությամբ:
Հոկտեմբերի 7-ին Երևանում` Մաշտոցի 37 հասցեում, բացվել էր Ռուսական գրքի տուն:
Գյումրիի Ռուսական գրքի տունգ իրականացնելու է այն ծրագրերը, որոնք իրականացնում է Երևանի Ռուսական գրքի տունը, այն է` հրապարակելու է «Հայաստանի ռուսական աշխարհը» ամսագիրը, որտեղ լուսաբանվելու են արդի հարցեր` կապված Հայաստանում ռուսաց լեզվի, ռուսական մշակույթի պահպանման հետ:
Ռուսական գրքի տան կազմում հետագայում գործելու են քննարկումների ակումբ և «Ռոսիա» հասարակական մամլո կենտրոնը` հայ-ռուսական հարաբերություններին առնչվող հարցերի քննարկման համար:
Աշխատանքներ են տարվում ինչպես Հայաստանի տարբեր մարզերում Ռուսական գրքի տներ, այնպես էլ Ռուսաստանի հայաշատ քաղաքներում և մարզերում Հայկական գրքի տներ ստեղծելու ուղղությամբ:
Նախագիծը ղեկավարում է ԱՊՀ երկրների երիտասարդական միության նախագահ Անդրանիկ Նիկողոսյանը, համագործակցությամբ` «Առաջ Ռուսաստան ևՀայաստան» հիմնադրամի: