ՀՀ տրանսպորտի և կապի նախարարության մամլո ծառայությունից «Առաջին լրատվական»-ին տեղեկացնում են, որ ՀՀ տրանսպորտի և կապի նախարարության և Հեռահաղորդակցության միջազգային միության (ITU) ԱՊՀ երկրների տարածաշրջանային բաժնի նախաձեռնությամբ ՅՈՒՆԵՍԿՕ-ի կրթության բնագավառում տեղեկատվական տեխնոլոգիաների ինստիտուտի մասնակցությամբ և «Հայփոստ» ՓԲԸ-ի աջակցությամբ Երևանում՝ Սարյան 22 հասցեում, բացվել է կույր և վատ տեսողություն ունեցող անձանց համար ինտերնետային հասանելիության կենտրոն:
Բացմանը մասնակցել են ՀՀ տրանսպորտի և կապի նախարար Մանուկ Վարդանյանը, Հեռահաղորդակցության միջազգային միության գլխավոր քարտուղարի տեղակալ Հուլին Ժաոն և պաշտոնատար այլ անձինք:
Մ.Վարդանյանը նշել է, որ կենտրոնի ստեղծումը տեսողական խնդիրներ ունեցող անձանց հնարավորություն կընձեռի օգտվել տեղեկատվական ռեսուրսներից:
Կենտրոնում սովորելու ու վերապատրաստվելու են տեսողական խնդիրներ ունեցող անձանց կրթությամբ զբաղվող մասնագետները:
Հ. Ժաոյի խոսքով՝ նման կենտրոն ԱՊՀ տարածաշրջանի երկրներից առաջինը բացվում է Հայաստանում։