KM.RU-ի փոխանցմամբ՝ ԱՄՆ նախագահ Բարաք Օբամայի վարչակազմը հետաքննություն է սկսել Լիբիային քիմիական զենքի մատակարարումների շուրջ։ Նախնական տվյալներով՝ Մուամար Քադաֆիի ռեժիմը դա ստացել է Իրանից։
Հետաքննությանը մոտ կանգնած մի չինովնիկ ամերիկյան Washington Post-ին հայտարարել է, որ առկա են լուրջ մտահոգություններ, թե Իրանում հատուկ Տրիպոլիի համար արտադրվել են իպրիտ թունավոր նյութով հագեցած արկեր։ Ամերիկյան չինովնիկները վստահ են, որ Թեհրանը Քադաֆիի հետ ունեցել է համապատասխան համաձայնագիր։
Ամերիկյան հետախուզության ղեկավարությամբ այս հետաքննությունը սկսվել է այն բանից հետո, երբ այս տարվա հոկտեմբերին Լիբիայում հայտնաբերվեց քիմիական զենքի երկու պահեստ։ Մինչ այդ Լիբիան գաղտնի էր պահել իր տրամադրության տակ այդ սպառազինության առկայությունը։ Հայտնաբերումից հետո այդ պահեստները գտնվում են շուրջօրյա դիտարկման ներքո։