Ինչպես հաղորդում են ռուսական լրատվամիջոցները, բախումները Մոսկվայի կենտրոնում այսօր կարող են վերսկսվել, և դրանց հետանքները կարող են ավելի լայնածավալ լինել, քան շաբաթ օրը «Մանեժնայա» հրապարակում տեղի ունեցածը: Ընդ որում, այն լուրերը, թե այսօր մեծ հավաքներ են լինելու, հիմնականում տարածում են բլոգները: Ըստ փորձագետների, բլոգները սրանով էլ ավելի սրացնում են իրավիճակը և հրահրում նոր բախումներ:
Հայտնի է, որ բախումները տեղի են ունենալու Կիևյան կայարանին հարակից հրապարակում:
Բլոգների փոխանցմամբ, ավտոբուսներով այստեղ են ժամանում կովկասցիներ, ընդ որում, նրանք տրամադրված Մոսկվա են գալիս նախորդ օրերին այստեղ վայրագություններով աչքի ընկած ազգայնական կաազմակերպությունների ներկայացուցիչներից վրեժ լուծելու համար: Ինչպես փոխանցում է Kоммерсант թերթը, թեպետ ազգային փոքրամասնությունների կազմակերպութոյւնները կոչ են անում խուսափել բախումներից, այդուամենայնիվ, նրանք էլ են փաստում, որ ամբողջական վերահսկողություն հնարավոր չէ իրականացնել: Ենթադրվում է, որ այս հրապարակում կհավաքվի մոտ 10 հազար կովկասցի:
Ոստիկանությոնը երեկվանից վերահսկում է այն տարածքները, որտեղ ենթադրվում է, որ կարող են տեղի ունենալ բախումները: Սակայն, հաշվի առնելով այն հանգամանքը, որ դեկտեմբերի 11-ին նույն այդ ոստիկանությունը երբեմն ի վիճակի չէր լինում վերահսկել իրավիճակը կամ չէր ցանկանում դա անել, այսօրվա բախումների հետևանքները կարող են անկանխատեսելի լինել: