Ինչպես հաղորդում է CNN հեռուստաընկերությունը, ԱՄՆ ռազմաօդային ուժերի ղեկավարությունը իր զինվորականների համար փակել է այն կայքերի հասանելիությունը, որոնք WikiLeaks սկանդալային կայքից հրապարակում են ԱՄՆ դիվանագիտական գաղտնի փաստաթղթերը:
Այս մասին հաղորդել է մայոր Թոնի Թոունսը, որն ասել է, թե այս որոշումը համահունչ է 2010 թ. ստացված պաշտոնական այն ցուցումներին, որոնք արգելում են ռազմաօդային ուժերի ներկայացուցիչներին օգտվել WikiLeaks կայքից և նյութեր նայել այնտեղից:
Արգելված կայքերը 25-ն են, այդ թվում՝ The New York Times, The Guardian Spiegel, որոնք արտատպում են WikiLeaks-ի նյութերը:
Հեռուստաընկերությունը հայտնում է, որ նմանատիպ սահմանափակումներ արդեն կիրառվում են նաև Սպիտակ տանը: