2011 թ. Հայաստանի բյուջեի եկամուտները կազմում են մոտ 2.4 մլրդ դոլար՝ այն դեպքում, երբ Վրաստանի 2011 թ. բյուջեի եկամուտները կազմելու են 3.4 մլրդ դոլար, իսկ Ադրբեջանի 2011 թ. բյուջեի եկամուտները` 15 մլրդ դոլար: Մեր բյուջեի ծախսերը 2011 թ. կազմելու են մոտ 3 մլրդ դոլար, Վրաստանի բյուջեի ծախսերը` 4 մլրդ դոլար, Ադրբեջանինը` 15.2 մլրդ դոլար: Ինչպես երևում է` և՛ ծախսերի, և՛ եկամուտների առումով Հայաստանի պետական բյուջեն 1 մլրդ դոլարով զիջում է Վրաստանի պետական բյուջեին և մոտ 5 անգամ` Ադրբեջանի պետական բյուջեին: Ընդ որում, նշենք, որ Ադրբեջանի 2011 թ. բյուջեի եկամուտներից մոտ 8 մլրդ դոլարն է նավթի վաճառքից ենթադրվող եկամուտը: