ԱՄՆ-ի ներդրումների ապահովագրությունների դաշնային գործակալությունը (Federal Deposit Insurance Corp., FDIC) դեկտեմբերի 10-ին փակել է երկու ոչ մեծ բանկ: Ինչպես հայտնում է Bloomberg-ը, տարվա սկզբից դադարել է աշխատել 151 ֆինանսական կազմակերպություն:
Ճգնաժամային 2009 թվին ամերիկյան ֆինանսական շուկայի վերահսկողական գործառույթներով օժտված այդ կազմակերպությունը փակել է ռեկորդային քանակով բանկեր` հասցնելով դրանց թիվը 140-ի: 2008 թ. իրենց աշխատանքը դադարեցրին 25 վարկատու ընկերություններ, իսկ 2007 թ.` 3:
Ուրբաթ օրը աշխատանքները դադարեցրեց փենսիլվանյան Earthstar Bank-ը, ինչպես նաև Միչիգանի Paramount Bank-ը: Ընդհանուր առմամբ, այս երկու կազմակերպությունների պահուստները գնահատվում են 365 միլիոն դոլար: Այս երկու բանկերի սնանկացումը FDIC-ին կարժենա 113.1 միլիոն դոլար:
2008 թ. հունվարի 8-ին FDIC փակել է առաջին բանկը: Տարվա ընթացքում իրենց գործունեությունը դադարեցրին մեծամասամբ ոչ մեծ վարկատու ընկերությունները, որոնց ընդհանուր միջոցները չէին գերազանցում 1 միլիարդ դոլարը:
