«Այսօր որոշ ջերմացում կա մեր հարաբերություններում, եւ ես վստահ եմ, որ նախագահական ընտրություններից հետո մեր հարաբերություններն ավելի կջերմանան, քանի որ պատնեշները եւ ցանկապատերը երբեք ոչ մեկին օգուտ չեն բերել»,- հայտարարել է Լուկաշենկոն Լիտվայի նախագահ Դալեյ Գրիբաուսկայտեի հետ հանդիպումից հետո: Լուկաշենկոյի խոսքերով, Լիտվայի նախագահի այցը հատկանշական է ոչ միայն երկկողմ, այլեւ Բելառուս-Եվրամիություն հարաբերությունների ընդհանուր համատեքստում: Լիտվայի նախագահն իր հերթին հայտարարել է, որ իր երկիրը պատրաստ է միջնորդ հանդիսանալու Բելառուս-ԵՄ փոխհարաբերություններում, եւ որ այդպիսի երկխոսություն արդեն կա: