Հայաստանում կանայք կազմվածքը պահպանելու համար հաճախ ցանկանում են կեսարյան հատման միջոցով ծննդաբերել, իսկ հետագայում խուսափում են երեխաներին կրծքով կերակրելուց: Սակայն իրականում այդկերպ են ավելորդ կիլոգրամներ հավաքում: «Բնական ճանապարհով ծննդաբերելը միայն հեշտոցի վրա է ազդում. առաձգականությունը թուլանում է, այն էլ եթե կինը մարզված չէ: Իսկ բնական ճանապարհով ծննդաբերելն ու կրծքով կերակրելը նպաստում են, որ կինը ավելորդ ճարպերից ազատվի, ոչ թե նոր ճարպեր կուտակվեն: Բացի այդ, բնական ճանապարհով ծնված երեխաների ադապտացիան ավելի հեշտ է կատարվում, որովհետեւ նրանք 7-8 ժամ հաղթահարում են ծննդաբերական ուղիները եւ հետագայում էլ ավելի դիմադրողական են լինում: Հետեւաբար՝ ավելի լավ է, որ գոնե պտղի ծնվելուց ենք կեսարյան հատում անում, որովհետեւ ընթացքում պտուղը նաեւ ադապտացիայի է ենթարկվում», – պարզաբանեց ՀՀ առողջապահության նախարարության աշխատակազմի բժշկական օգնության կազմակերպման վարչության՝ մոր եւ մանկան առողջության պահպանման բաժնի գլխավոր մասնագետ բ.գ.դ դոցենտ Գայանե Ավագյանը եւ հավելեց, որ առանց բժշկի ցուցումի՝ Հայաստանում կեսարյան հատումներ չեն կատարվում: